Gizonezko bat atxilotu zuten atzo Portugaleten (Bizkaia) bere etxeari su ematea egotzita. Suhiltzaileek bizilagunak eraikinetik atera behar izan zituzten eta haietako bat ospitalera eraman zuten antsietate krisia izan zuelako. Ertzaintzak jakinarazi duenez, bikotekide ohiarekin arazoak zituelako eman zion gizonezkoak su etxeari.
Gertakaria 3:10ean izan zen, Portugaleteko General Castaños kalean. Une horretan ez zegoen inor erretako etxebizitzan.
Ertzaintzak sutea ikertu eta nahita piztutakoa izan zela frogatu zuen. Atxilotuak aurreko egunean berebikotekide ohiarekin eztabaida izan eta azken horrek salaketa jarri zuela jakin zuen Ertzaintzak. Horren ondotik, atxilotua sutearen susmagarri nagusitzat zuten ertzainek.
Atxilotua epailearen aurretik igaro beharko du.
Gizartea
Gizon bat atxilotu dute Portugaleten, bere etxeari su ematea leporatuta
Eraikineko bizilagun bat erietxera eraman behar izan zuten.
Iruzkinak
Ez dago iruzkinik
Ordenatu
