Senpereko (Lapurdi) gizon batek 55 urteko emakume bat hil du, bere bikotekidea. Erasotuaren gorpua joan den ostiralean aurkitu zuten Armillac Lot-et-Garonen (Akitania), bere etxean. Gizonak, atxilotu zutenean, onartu zuen bera izan zela erasotzailea.
Senpereko alkateak Euskadi Irratia-ri esan dionez, gizonak hamabi urte zeramatzan herrian bizitzen. Momentuz behin behinean atxilotuta dago, eta fiskaltza laster egingo da haren kargu.
Euskal Herrian 110 dira 2003tik indarkeria matxistak hil dituen emakumeak; aurten, hiru.
