Eusko Jaurlaritzako Segurtasun Sailak jakinarazi duenez, Ertzaintzak 41 urteko gizonezko bat atxilotu zuen atzo Bilbon, bikotekidea jo eta labanaz erasotzea leporatuta. Aurpegian eta besoetan ebakiak ditu emakumeak.
10:30 aldera deitu zien atzo andreak ertzainei, eta biak zeuden etxebizitzara joan ziren poliziak. Gizona atxilo eraman zuten, genero indarkeriaren delitu bat egitea egotzita.
