Atzo arratsaldeko hirurak aldera, Donostiako Intxaurrondo auzoko etxebizitza batera joan ziren ertzainak, genero indarkeria delitu baten gaineko abisua jasota. Eusko Jaurlaritzako Herrizaingo Sailak berri eman duenez, etxean zen andrea, eta hark kontatu zien bere bikotekide ohia etxera joan zitzaiola, eta bertan, mehatxu egin eta iraindu ondoren, jo egin zuela.
Kalean topatu zuten ertzainek gizona, eta atxilotu egin zuten. Gaur goizean deklaratu du epailearen aurrean. Emakumea osasun etxera eraman behar izan zuten.
