41 urte ditu atxilotuak, eta genero indarkeria leporatuta atxilotu du Ertzaintzak. Eusko Jaurlaritzako Segurtasun Sailak jakinarazi duenez, gauerdian gertatu da erasoa, Egia auzoko etxebizitza batean.
Biktima, emakumezkoa, bizilagun batekin ari zen hizketan, eta bertan agertu da bikotekide ohia. Emakumea bultzatu eta lepotik heldu dio, bizilaguna labana batekin mehatxatzearekin batera. Andrea burutik heldu du erasotzaileak, eta atearen kontra jo du.
Bertara joan da Ertzaintza, eta atxilo hartu du ustezko erasotzailea. Erietxean artatu behar izan dute emakumea.
