Gizon bat erietxeratu dute, hiru metrotik jausi eta gero

LEITZA. 76 urteko gizon bat Iruñeko erietxera eraman zuten atzo, Leitzan (Nafarroa) belarra mozten ari zela hiru metroko ezponda batetik erori eta gero. Burezurra hautsita dauka gizonak. 18:00 aldera gertatu zen ezbeharra, mendi inguru batean. Anbulantzia ezin zen iritsi gizona eroritako lekura, eta helikopteroan eraman zuten ospitalera.