Emakume bati sexu eraso egitea, bortxa egitea eta ibilgailu bat lapurtzea egotzita, Iruñeko udaltzainek 34 urteko gizon bat atxilotu zuten atzo; Corella etorbideko 1. zenbakian izan zen ustezko erasoa, 13:45 aldera. Gaur espetxeratu egin dute, behin-behinean.
Udaltzainak lekura iritsi zirenean, emakumeak azaldu zien hainbat orduz bere autotik atera ezinik izan zuela gizonezkoak, eta ondoren eraso egin ziola. Haren arabera, ustezko erasotzaileak emakumearen autoan alde egin zuen, giltzak kenduta.
Udaltzaingoak eskualdeko polizien laguntza eskatu zuen gizona atxilotu ahal izateko, eta eguerdian lapurtutako autoa topatu zuten, eta gizonezkoa atxilotu zuten.
Atxilotutakoak urruntze agindu bat du beste pertsona batekiko.
