Gizon bat hil da Altsasun auto istripuan

Y.A.I.F. 30 urteko gizona hil da gaur Nafarroako Ospitalean, auto istripu baten ondorioz. Istripua A-1 autobideko 402. kilometroan gertatu da, Altsasu parean (Nafarroa).

Hildakoak gidatzen zuen autoa errepidetik atera da eta zutoin bat jo du, Nafarroako Gobernuak jakinarazi duenez. Larrialdi zerbitzuek 12:30ean izan dute istripuaren berri eta ezbeharraren gunera bertaratu dira, baita suhiltzaileak ere, gidaria autotik ateratzen laguntzeko. Larri zegoela helikopteroan eraman dute gizonezkoa Nafarroako Ospitalera eta bertan hil da.

Foruzaingoa istripuaren arrazaioak ikertzen ari da.