Gizon bat hil da AP-8an, kamioi batek harrapatuta

DONOSTIA. Gizonezko bat hil zen atzo AP-8an, Behobiako norantzan zihoan kamioi batek harrapatuta. Goizeko seiak aldera gertatu zen ezbeharra, Donostian, Astigarragarako lotunean hain zuzen. Osasun zerbitzuak bertaratu zirenerako hilik zegoen gizona. Gertaeraren ondorioz, autobideko eskuineko bidea itxita egon zen bi orduz.