Goizaldean izan da istripua, Baliarraindik (Gipuzkoa) igarotzen den GI-3851 errepidean. Eusko Jaurlaritzako Segurtasun Sailaren arabera, 01:00 aldera gertatu da: autoa errepidetik irten da, eta, hainbat bira eman ondoren, irauli egin da.
Larrialdi zerbitzuetako langileak abisua jaso eta berehala bertaratu dira ezbeharra gertatu den tokira, baina gidaria handik minutu gutxira hil da, lesio larriak zituelako. Gizonezkoak 74 urte zituen.
Ertzaintza gertaera ikertzen ari da.