Goizaldeako 01:45ean ohartarazi du herritar batek Sos Deiak 112 larrialdi zerbitzua, esanez N-121A errepidean, Irunen (Gipuzkoa), pertsona bat zegoela ustez hilda, Antton Txipi biribilgunean. Osasun zerbitzuak joan dira, eta hilda topatu dute gizon bat.
Ertzaintzak ez du oraindik identifikatu nor den hildakoa, baina ibilgailuren batek harrapatu duelakoan dago. Ustez harrapatu duenak ihes egin du. Zer gertatu den argitzeko laguntza eskatu du horregatik Ertzaintzak, eta informazioren bat izan dezaketenei 943539125 telefonora deitzeko eskatu die.
