Gizon bat hil da istripuz, eta lekuko bila ari dira

LEZO. Kamioi batek harrapatuta, 50 urteko gizonezko bat hil da. Istripua herenegun 22:10ean gertatu zen, Gaintxurizketako gainean, Lezon (Gipuzkoa). Autoa bide bazterrean utzi eta, autotik atera zenean, kamioi batek harrapatu zuen gizonezkoa; arratsaldean hil zen, ospitalean. Ertzaintzak lekukoak eskatu ditu gertatutakoa argitu ahal izateko.