Gizon bat hil da Izurdiagan, trenak harrapatuta

IZURDIAGA. 80 urteko gizon bat hil zen atzo Izurdiagan (Nafarroa), trenak harrapatuta. Guardia Zibilak emandako datuen arabera, 11:45 inguruan izan zen ezbeharra. Gizona trenbidea pasatzera zihoan, eta Alvia tren batek harrapatu egin zuen. Bertan zendu zen. Guardia Zibila istripuaren lekura joan zen, eta, epaileak agindua eman ostean, autopsia egiteko eraman zuten gorpua.