Pertsona bat hil da gaur goizean Lekeitioko kaian, Bizkaian, autoan zegoela uretara erorita. Sos Deiek jakinarazi dutenez, kaian aparkatuta zegoen ibilgailu bat erori da uretara 05:40 aldera, eta larrialdi zerbitzuak barnean zegoen pertsona autotik ateratzen saiatzen aritu dira. Ezin izan dute onik atera, ordea.
Bilboko Auzitegi Medikuntzako Zerbitzura eraman dute gorpua, autopsia egitera. Autoa uretara zer dela-eta erori den jakiteko, ikerketa abiatu du Ertzaintzak.
