Gizon bat hil da Rivabellosan, errepide istripu batean. 15:40 aldera gertatu da istripua, A-1 errepidean. Gidatzen zihoan furgonetarekin kamioi baten atoia jo du, eta bertan zendu da. Eusko Jaurlaritzako Herrizaingo Sailaren arabera, biribilgune batean gertatu da ezbeharra.
Istripuaren ondoren itxita egon da Miranda de Ebrorako noranzkoa. Ertzaintza ikertzen ari da istripuaren zergatia.
