Gizon bat hil da Zestoan, traktoreak azpian hartuta

ZESTOA. Gizon bat hil zen atzo goizean Zestoan (Gipuzkoa), traktorean zihoala ezbeharra izanda. Malda batean behera erori zen, Eusko Jaurlaritzako Herrizaingo Sailaren arabera, eta ibilgailuak azpian harrapatu zuen. 11:30ean gertatu zen, lursail batean. Ezbeharra izan zuenean Lasao inguruan egurra garraiatzen ari zela jakinarazi dute. Azpeitikoa zen gizona, 76 urtekoa.