Gizon bat hil da Zumaian, autoarekin ibaira jausita

ZUMAIA. Gizonezko bat hil zen atzo eguerdian Zumaian, Gipuzkoan, ibilgailuarekin ibaira erorita. Senide batek ikusi zuen autoa uretan, eta hark eman zuen abisua; larrialdi zerbitzuak iristerako hilik zen gidaria, 79 urtekoa. Ertzaintza ikertzen ari da zer gertatu zen; uste dute errepidetik atera zela autoa. Kanpezun, Araban, hiru txirrindulari harrapatu zituen atzo auto batek. Haietako bat erietxera eraman zuten zaurituta.