Gizon bat hilda aurkitu dute bart gauean Andoainen, Gipuzkoan, etxebizitza batean. Gauerdia baino lehen topatu dute hilotza ertzainek, Eusko Jaurlaritzako Herrizaingo Sailak jakinarazi duenez. Orain egun batzuk hil zuten gizona, lehen ikerketen arabera; gorpua usteltzen hasia zegoen, armairu batean. Ustezko hiltzailea atxilotuta dago. 21 urte ditu. Liskarra izan zuten hildakoak eta biek.
Hilketa gertatu den etxebizitzan jende gehiago bizi direla azaldu du Herrizaingo Sailak. Utzitako eraikin bat da, hiru solairukoa; Andoaingo Kaletxiki auzoan dago.
