Gizon bat hilik topatu dute, lepoan labana bat sartuta

GETXO. Adineko gizonezko baten gorpua aurkitu zuten atzo goizean Getxon (Bizkaia), lepoan labana bat zuela. Eusko Jaurlaritzako Herrizaingo Sailak jakinarazi duenez, Algortako Ollarretxe kaleko etxe batean zegoen hildakoaren gorpua. Ertzaintza 10:00 aldera heldu zen bertara, Osakidetzaren abisu bat jaso ondoren. Hipotesi guztiak zabalik ditu Poliziak, tartean lapurreta egiteko hil dutela gizona.