Belle Marion etorbidean gertatu dira hilketak, etxe batean. Claude Olive alkatea gertaeren tokira joan da, eta "familiako drama" izan dela dirudiela azaldu du.
Nolanahi ere, ez dago batere argi zer gertatu den. Hedabide batzuek zabaldu dutenez, armatutako gizona etxean itxi da, eta tiroka hil ditu emakumea eta bi umeak; 11 eta 17 urteko bi neskato —hiru alaba zituzten—. Hainbat iturrik diote hilketa atzo gertatu zela, eta gaur topatu dituztela gorpuak. Izan ere, iturri batzuek diote seme-alabak eskolara joan ez direnez familiakoak kezkatuta zeudela. Gainera, bizilagun batek abisua eman dio poliziari, gizonezkoak emaztea eta seme-alabak atxikita zituela esanez. Gaur arratsaldean, polizia etxebizitzara sartzen hasi denean egin du bere buruaz beste gizonezkoak.
Frantziako Poliziak erabat itxia eduki du Belle Marion etorbidea.
