Gizon batek umeen aurrean eraso dio, ustez, emazteari

ZESTOA. Bikotekidea umeen aurrean behin baino gehiagotan jo duelakoan, gizon bat atxilotu zuten ertzainek atzo goizaldean Zestoan, Gipuzkoan. 37 urte ditu atxilotuak. Gisa bereko beste kasu bat izan zuten herenegun Bilbon: haurren bistan bikotekideari eraso ziolakoan, gizon bat preso hartu zuten. Andreak adierazi du behin baino gehiagotan eraso diola.