Bilboko Artxanda mendiko baserri baten ondoan, usain indartsua atzeman zuen, atzo, herritar batek, 20:00ak aldera. Abisu eman zion Ertzaintzari, eta poliziak gizonezko baten gorpua aurkitu du, inguru horretan.
Ertzaintzak jakinarazi duenez, gorpua deskonposizio prozesu garatuan topatu du, eta ezin izan du oraindik hildakoa identifikatu.
Joan den martxoaren 26an, 66 urteko gizonezko bat desagertu zen inguru horretan. Bilboko Arangoiti auzoko bizilaguna da desagertutakoa. Hainbat egunez gizon hura bilatzeko irteerak egin dituzte, baina ez dute aurkitzea lortu.
