Adineko gizonezko baten gorpua aurkitu dute Getxon gaur goizean, lepoan labana bat zuela, Eusko Jaurlaritzako Herrizaingo Sailak esan duenez.
Algorta auzoko Ollarretxe kaleko etxe batean zegoen hildakoa. Ertzaintza 10:00ak aldera joan da hara, Osakidetzaren abisu bat jaso ostean.
Ertzaintzak dio hipotesi guztiak zabalik dituela; tartean, lapurreta batean hil dutela gizona.
