Gizon baten gorpua azaldu da Donostiako etxebizitza batean

DONOSTIA. Gizon baten gorpua agertu zen herenegun arratsaldean Donostiako Fermin Calbeton kaleko haren etxebizitzan. Bizilagunek gizonaren senide bati deitu zioten, etxetik usain handia zetorrela ikusita. Etxean sartu, eta gorpua aurkitu zuten. Gorpuak ez zuen indarkeria arrastorik, baina usteltzen hasia zegoen. Hildakoak 57 urte zituen.