Gizon baten gorpua topatu dute gaur goizean Irungo San Miguel auzoan (Gipuzkoa), indarkeria zantzuekin. Urruneko belardi batean zegoen, Leku-Enea ikastetxearen eta gune hori Anaka auzoarekin lotzen duen bidearen artean.
Ertzaintzak hildakoa aurkitu duten eremua itxi du, eta ikerketa zabaldu du gertatutakoa argitzeko. Hango lanak amaitutakoan, gorpua Auzitegi Medikuntzako Euskal Institutura eraman dute, identifikatzeko eta autopsia egiteko.