Gizon gazte baten gorpua aurkitu dute Etxauriko haitzetan

Ehiztari talde batek gizonezko baten hilotza aurkitu zuten atzo Etxauriko (Nafarroa) haitzetako malkar batean, basoan. Hildakoa nor zen ikertzen ari da Foruzaingoa, eta auzi-medikuen lehendabiziko azterketen arabera, 25-35 urte bitarteko gizonezko bat zen, 1,65 metro inguruko garaierakoa. Duela 4-6 hilabete hil zela uste dute. Eskalada lekuetara iristeko bidexka batetik hurbil aurkitu dutenez, Foruzaingoak uste du hara zihoala erorita hil zela.