Ertzaintzak 63 urteko gizonezko bat atxilotu du Barakaldon (Bizkaia), bere bikotekideari labana batekin eta botila batekin eraso egitea egotzita. Eusko Jaurlaritzaren Segurtasun Sailaren arabera, bikotearen etxean gertatu da erasoa, Barakaldon.
10:55ean emakumezkoak SOS Deietara deitu du, laguntza eskatuz buruan zauriak zituelako. Ertzainek bikotearen etxera jo dute, eta anbulantzia bati dei egin diote. Gurutzetako ospitalera eraman dute andrea.
Etxe barruan zegoen erasotzailea, zeina atxilotu egin duten indarkeria matxistagatik. Igandean da epailearen aurretik igarotzekoa.
