Ertzaintzak 30 urteko gizonezko bat atxilotu du Basaurin (Bizkaia) emakume bati eraso egiteagatik. Eusko Jaurlaritzako Segurtasun Sailak azaldu duenez, emakume batek salatu du bere bikotekideak jipoitu egin duela eztabaida baten ondotik.
Erasoa Basozelai auzoko etxebizitza batean gertatu da. Emakumea etxetik ihes egiten ahalegindu da leihotik, baina, gizonezkoak eragotzi egin dio, eta biktima eraikinaren kanpoaldean zintzilik gelditu da. Azkenean, bizilagunen laguntzari esker lortu du kalera jaistea.
Atxilotua epailearen esku utziko dute datozen orduetan.
