23:25 aldera gertatu zen erasoa igandean, Eusko Jaurlaritzako Segurtasun Sailak jakinarazi duenez. Ordu horretan, abisu bat jaso zuen Ertzaintzak, Abandoko geltokira joan zedila eskatuz, ohartarazita gizonezko batek emakume bat jo zuela.
Bertara joatean, poliziek andre bat topatu zuten, aurpegia estaltzen ari zela. Hark azaldu zien bikotekideak ukabilkada bat eman ziola aurpegian eta lurrera bota zuela bultzaka. Ertzainek ikusi zuten andrea odoletan zegoela.
Bikotekidea metro batzuetara zegoen, eta atxilo hartu zuen Ertzaintzak, genero indarkeria egotzita.
