Gizonezko bat atxilotu dute Donostian bart, emakume bati sexu erasoa egitea egotzita

19 urteko mutil bat -M.E.- atxilotu du bart Ertzaintzak Donostian, emakume bati sexu erasoa egitea leporatuta. Easo Plazan izan da gertaera, 1:30ak aldera.

Ertzaintzak esan duenez, mutilak emakumeari lepotik heldu dio eta beste leku batera eraman du. Han lurrean etzanarazi du, jo egin du eta gainera bota zaio, sexu erasoa egin nahian. Emakumeak konortea galdu du une batez eta, berreskuratu duenean, bi pertsona laguntzera zihoazkiola ikusi du eta ustezko erasotzailea lasterka ihesi zihoala.

Ertzaintza hara joan denean, 19 urreko mutila Easo Plazako zuhaixka baten atzean ezkutatuta ikusi eta atxilotu egin du.