Gizonezko bat atxilotu dute Durangon, bikotekide ohiari tratu txarrak eragin dizkiolakoan

Ertzainek atzo gizonezko bat atxilotu zuten Durangoko (Bizkaia), bikotekide ohiari tratu txarrak eragitea egotzita. Goizeko hamaikak eta erdiak baino pixka bat lehenago A-8ko ordainlekuko kaseta batean zeuden ertzainei emakume batek eta ume batek laguntza eskatu zieten. Ertzainek esan dutenez, gizonezkoa emakumezkoari bultzaka ari zitzaion.

Emakumeak poliziei esan zien bikotekide ohia duela hura eta paper batzuk konpontzeko asmoz elkartu zirela. Ondoren, gizonezkoa prest azaldu zen autoan Zornotzara (Bizkaia) eramateko baina, barruan zirela, Bilbora eramango zuela esan zion. Durangon zeudela, emakumeak autotik irten zuen alabarekin, eta gizonezkoak atzetik jarraitu zion. Bultzaka hasi zitzaion orduan, ertzainen arabera.

Atxilotutakoa bilbotarra da (J.A.G.C.) eta 36 urte dauzka.