Abuztuaren 12an gertatu ziren aipatutako jazoerak Erriberrin. Guardia Zibilak eman dituen azalpenen arabera, erasoa jasan zuen neska gaztea taberna batean zegoen beste lagun batekin 59 urteko J.L.J.E. zigarro esker hurbildu zitzaienean. Neska gazteak zenbait zigarro eman zizkion, eta horren ostean, beste taberna batera alde egin zuen.
Hurrengo taberna horretan berriro hurbildu zitzaien J.L.J.E.; berriro ere zigarro eske. Orduan, aurretik nahikoa eman zizkiola eta gehiago ez zituela hartuko esan zion neska gazteak erasotzaileari. Hori dela eta, bere onetik atera zen gizonezkoa eta kolpeka ekin zion neskaren aurka. Halaber, labana atera eta mehatxu egin zion. Kolpeen ondorioz, zauri arinak izan zituen neskak.
Erasoak
Gizonezko bat atxilotu dute Erriberrin neska gazte bat kolpatu eta mehatxatzeagatik
59 urteko gizonezko bat atxilotu du Guardia Zibilak Erriberrin (Nafarroa) neska gazte bat kolpatu zuelako eta labanarekin mehatxu egin ziolako. Iragan abuztuaren 12an gertatu zen erasoa, baina atxiloketa atzo gertatu zen. Agi denez, zigarroak eskatu eta emateari uko egin ziolako jo zuen gizonezkoak neska gaztea.
Iruzkinak
Ez dago iruzkinik
Ordenatu
