Ertzaintzak atzo 47 urteko gizonezko bat atzeman zuen Gasteizen, ustez bere bikotekideari erasotzeagatik. Gaueko bederatziak aldera herritar batek Ertzaintzari abisatu zion kalean gizonezko bat emakume bati kolpeka ari zitzaiola.
Ertzainak ustezko erasoa gertatu zen lekura joan zirenean, emakumezkoak erasoa jaso zuela egiaztatu zuten. Ustezko erasotzailea ihes eginda zen. Dena den, ondoren gizonezkoa aurkitu eta atxilotu egin zuten. Atzemateko unean, ertzainak mehatxatu zituen, horien arabera.
Emakumeak adierazi zuenez, bikotekideak lepotik heldu eta aurpegian kolpeak eman zizkion. Gainera, lehenagotik ere erasotua izan zela esan zien. Zauriak artatzeko Santiagoko Ospitalera eraman zuten. Ustezko erasotzailea epailearen esku geratu da.
Emakumeen aurkako indarkeria
Gizonezko bat atxilotu dute Gasteizen, bere bikotekideari erasotzea leporatuta
Iruzkinak
Ez dago iruzkinik
Ordenatu
