Gizonezko bat atxilotu dute Gasteizen, bikotekideari eraso egitea egotzita

38 urtkeo gizonezko bat atxiotu zuen Ertzaintzak atzo Gasteizen, bikotekide ohia jo zuelakoan. Ertzaintzako iturrien arabera, atzo arratsaldeko 19:00ak aldera Gasteizko etxebizitza batean eraso bat gertatu zela esanez dei bat jaso zuten. Hara joan zirenean, emkaumezko batek esan zien bikotekide ohiak iraindu egin zuela, eta, horrez gain, ileetatik heldu eta lurrera bota zuela. Banatze tramiteetan daudela erantsi zuen, eta ez zela irainak eta mehatxuak jasotzen zituen aurreneko aldia. Erasoa 7 urteko neskato baten aurrean gertatu zela nabarmendu zuen. Hori dela eta, bikotekide ohia, 38 urteko gizonezko bat, atxilotu egin zuten ertzainek.