Gizonezko bat atxilotu dute gaur Bilbon, bikotekidea jo duelakoan

Ertzaintzak 27 urteko gizonezko bat -CS.C.O.- atzeman du bart Bilbon, bikotekidea ustez jo egin duelako eta labana bat bota diolako.

San Francisco auzoan izan da gertaera, eta ertzainek hango etxebizitza batera joateko abisua jaso dute. Bertara joan direnean, emakumeak aurpegia gorritua zeukala esan dute ertzainek. Emakumeak adierazi die bikotekideak jo egin duela, eta labana bat ere jaurti diola. Horretaz gain, gizonezkoak aurreko batzuetan ere jo egin izan duela salatu du emakumezkoak. Basurtuko (Bizkaia) erietxera eraman dute, arta zezaten.

Ustezko erasoaren ondoren, biktimak etxeko gela batean sartu ahal izan du, eta gizonezkoak etxetik aldegin du. Ertzainek gizonezkoa goizeko ordubatak aldera atzeman dute.