Nafarroako foruzainek 34 urteko gizonezko bat (J.C.I.) atzeman zuten atzo Iruñean, ustez emakume bat jo egin zuelako eta sexu abusuak ere eragin zizkiolako.
Goizeko lau eta erdiak aldera atxilotu zuten, Milagrosa auzoan. Emakume batek laguntza eskatu zien poliziei, eta hauek ihesi zihoan gizonezkoa atzeman egin zuten handik ehunen bat metrora. Biktimak gizonezkoaren kontrako salaketa sartu zuen gero. Emakumeak foruzainei esan zien etxera bakarrik zihoala hark atzetik eraso egin ziola, lurrera bota zuela eta sexu abusuak eragin zizkiola.
Atxilotutakoa antzeko beste kasu bategatik inputatuta dago joan den urtarriletik. Ustezko eraso hura ere Iruñean egin zuen.
Gizartea
Gizonezko bat atxilotu dute Iruñean, emakume bat jo eta sexu abusuak eragin dizkiolakoan
Iruzkinak
Ez dago iruzkinik
Ordenatu
