Astelehenean atxilotu zuen Iruñeko Udaltzaingoak ustez erasoa egin zuen 37 urteko gizonezkoa. Epailearen aurretik igaro ostean, honek kartzelara bidali du sexu eraso bat egitea leporatuta.
Ikerketa iturrien arabera, igandean jazo zen erasoa, adimen urrikoen egoitza batean. Kartzeleratu duten gizonezkoa bertako langilea da. Iturri berberen arabera, adimen urritasun handia du erasoa jasan duen emakumezkoak. Ospitalera eraman zuten erasoak eragindako zauriak artatzera.
