42 urteko gizonezko bat hilik topatu du bart gauean Ertzaintzak Sestaoko Julian Gaiarre kaleko etxebizitza batean. Atzoko 22:00 aldera topatu dute, haren senideek abisua eman eta gero.
Eusko Jaurlaritzako Segurtasun Sailak jakinarazi duenez, sute bat piztu da etxeko sukaldean, eta sabaia erori egin da; Ertzaintza gertatutakoa ikertzen ari da, baina uste dute kea arnastuta hil dela.
