NA-132-A errepidean elkar jo dute hiru ibilgailuk 09:30 aldera, Zubielkin (Nafarroa), eta gizonezko bat hil da ezbeharrean. Istripua gertatu den lekura joan dira foruzainak, suhiltzaileak, Antzingo osasun etxeko mediku talde bat eta hiru anbulantzia.
Suhiltzaileek atera dute gorpua autotik, eta Lizarrako eskualdeko ospitalera eraman dute. Istripuan beste pertsona bat zauritu da eta hori ere Lizarrara eraman dute, Garcia Orkoien Ospitalera.
