Gizonezko baten gorpua aurkitu dute Santurtzin

SANTURTZI. Sasi artean aurkitu dute gizonezko baten hilotza Santurtzin (Bizkaia). Eusko Jaurlaritzako Herrizaingo Sailak eman du aurkikuntzaren berri, eta gorpua usteltzen ari zela azaldu du. Esan du gorpuak ez duela indarkeria jasan izanaren arrastorik, baina autopsiaren emaitzak jaso arte itxaron behar dela ikerketa zehazteko.