Eusko Legebiltzarrak lege bat tramitatuko du EAEko administrazio publikoko goi kargudunen jarduna gehiago kontrolatzeko. Orain batzorde bat sortuko dute, talde guztiek testua hobetzeko zuzenketak aurkez ditzaten.
1981eko legea berrituko litzateke horrela, eta herritarrei ahalbidetuko lieke jakitea goi kargudunak euren postura nola sartzen eta horretatik nola irteten diren. Euren ondasunen berri ematera behartuta leudeke, baita kargua hartu aurreko bi urteetan egindako jardueren berri ematera ere. Kargua utzi eta bi urtera ere gauza bera egin beharko lukete.
Proposatzen diren zigorretako bat da legea betetzen ez duena kargugabetzea; hamar urtez gaitasungabetzera ere hel daitezke.
