Goi tentsioko dorre batetik erorita hil da gazte bat

RIVABELLOSA. Rivabellosako (Araba) jaiak ospatzen ari zen gazte bat hil zen larunbatean, 05:00 aldera, goi tentsioko dorre batetik erorita. 20 urteko gazteak —udalerriko bizilaguna— dorrean gora egin zuen, eta zortzi metro ingurura zegoela deskarga elektrikoa jaso; ondorioz, lurrera erori zen, eta kolpea hartu zuela-eta ospitalera eraman zuten. Anbulantzian hil zen. Jaietako ekitaldi ofizialak bertan behera utzi dituzte.