Goizean eman diote azkeneko agurra Iratzederri

Gaur goizean egin dute Jean Diharce Xabier Iratzeder (Donibane Lohizune, Lapurdi; 1920) idazle, euskaltzai eta fraide beneditarraren aldeko hileta elizkizuna Ahurtin (Lapurdi), Belokeko komentuko elizan, 10:30ean hasita.

Iratzeder herenegun hil zen, 88 urterekin, luzaro gaixorik egon ondoren. Belokekn zendu zen, hainbeste urtez bizitoki izandako egoitzan. Hango monastegiko abade ere izan zen.

Hain zuzen ere, bizitzan zehar bi arlotan nabarmendu zen Iratzeder: batetik, erlijio katolikoarekin zuen engaiamenduagatik. 11 urterekin esan zuen etxean apaiz izan nahi zuela, eta hurrengo urtean hasi zituen ikasketak Uztaritzeko seminarioan.1941ean, 21 urterekin, egin zen fraide beneditar, eta 1972an Belokeko monastegiko buru izendatu zuten. 1987an Afrikan izan zen misioetan hainbat hilabetez.

Euskararekiko maitasun eta atxikimendua izan zuen beste ardatza.

Euskaltzain zen 1962tik.