Javier Gomez Bermudez Espainiako Auzitegi Nazionaleko epaileak bihar hartuko du Jon Igor Urresti Osa. Atzo atxilotu zuen Espainiako Poliziak, Ondarroan, ETArekin zerikusia duelakoan. "Erakunde terroristaren laguntzaile" izatea leporatzen diote, Barne Ministerioak jakinarazi duenez.
Auzitegi Nazionalak berak Ibai Montealvarori eta Laura Canterari bakoitzari urtebeteko kartzela zigorra jarri die, 2010ean Portugaleten ETAren aldeko pintaketak egin eta kartelak paratu zituztela egotzita.
