Gonzalezek dio Hipercorreko atentatugileak «lehertuko» lituzkeela

ETAko buruzagitza «lehertzeko» aukeraren inguruan zalantzak izan zituela eta ez egitea erabaki zuela aitortu eta aste batzuk geroago, Espainiako gobernuburu ohi Felipe Gonzalezek esan du zenbait etakide hiltzeko aukera izan balu «ziurrenik» egin egingo zukeela. Adibide moduan, 1987an Zaragozako (Espainia) Hipercor dendaren aurkako atentatua jarri du; atentatu hura eragozteko aukera izan balu, «bonba-autoa jarri zutenak lehertuta izanik ere», orduan bai, «ziurrenik» urrats hori egingo zukeela dio Gonzalezek Vanity Fair aldizkarian egin dioten elkarrizketan. Herritarren bizitzak defenditzeko «lehentasunezko eginbidearen» barruan kokatu du Gonzalezek.