GORAZARRE EUSKARARI

30 urte dira Eusko Legebiltzarrak Euskararen Normarlizaziorako Oinarrizko Legea onartu zuela, eta urteurrena ospatu zuen atzo EAJk, Bilbon. Legeari gorazarre egin zion Iñigo Urkullu EAJko presidenteak, eta, nabarmendu zuenez, arau horri esker «etengabe» handitu da euskararen ezagutza eta erabilera. Euskara «nazio eraikuntzaren zutabe» dela esan zuen Urkulluk, eta hizkuntza zabaltzeko akordio ahalik eta handiena eskatu zuen. Erakunde publikoek euskara sustatu behar dutela eta ezin direla «ikusle» izan gaineratu zuen.