Gorlizen 200 marihuana landare atzeman dituzte

GORLIZ. Ertzaintzak 200 marihuana landare aurkitu zituen herenegun Gorlizko pabiloi batean (Bizkaia). Gainera, 32 urteko gizon bat eta 42 urteko beste bat atxilotu zituen horren jabe izatea egotzita. Ertzaintzak denbora zeraman inguru horretan ikerketak egiten, Eusko Jaurlaritzako Herrizaingo Sailak jakinarazi duenez. Droga pisatzeko hainbat tresna ere aurkitu zituzten ertzainek pabiloian egindako miaketan.