Adineko gizon baten gorpua aurkitu dute gaur arratsaldean Arga ibaian, Iruñeko Arrotxapea auzoaren parean. Eguerdi aldera topatu du gorpua herritar batek, eta Nafarroako Suhiltzaileen Zerbitzuak atera du ibaitik. Zehaztu dutenez, adineko gizon bat zen, eta ez zuen dokumentaziorik soinean.
Espainiako Poliziak ikerketa bat ireki du. Orain, Nafarroako Auzitegi Medikuntzako Institutuan dute gorpua, eta autopsia egingo diote.