Gorpu bat aurkitu dute Gorobel mendilerroko kobazulo batean

GASTEIZ. Gorobel mendilerroko Ungino kobazuloa (Araba) ikuskatzen ari zen espeleologo batek gizon baten gorpua aurkitu zuen atzo, lo egiteko zaku batean sartuta. Gorpua Gasteizko Auzi Patologiako zerbitzura eraman dute, heriotzaren zergatia jakiteko. Ertzaintzak jakinarazi duenaren arabera, gorpuak ez zuen indarkeria zantzurik.