Gorpu bat aurkitu dute Lapatxeko zabortegian

AZPEITIA. Gizonezko baten gorpua aurkitu dute Lapatxeko zabortegian, Azpeitian (Gipuzkoa). Zabortegiko bertako langileek aurkitu zuten gorpua, atzo, lanean ari zirela, 14:30 aldera. Eusko Jaurlaritzako Herrizaingo Sailak baieztatu du gorpu bat aurkitu zutela, eta zabortegira joanda hildakoa eraman egin zutela ertzainek. Ikertzen ari dira nor den, eta nola hil den.